22-4-2013 (mon)
比CA燃起我打blog既熱情，但好可惜我唔記得我xanga pw.....
話咁快又黎到week13，好驚GE course收皮
今日早左返去聽FYP present
硬係覺得自己下年自己做既時候做唔倒呢d野出黎……
唉，呢年讀書又好乜都好好多不如意事
黎到week13，即係代表今個sem又完
希望下年可以繼續努力
唉日做夜做，日讀夜讀為乜
頂
做乜今日咁頹
唉
好很多野交，做功課先
19-3-2013
The Pervert's Guide to Ideology
電影節又黎喇！
今次買左四套，都係百零蚊，都係個句啦
襯仲係full-time student，死都唔好蝕呀嘛！
之前睇電影節(亞洲)都有字幕既，但其實講英文我都唔太擔心
所以今次四套戲有兩套英文、一套格魯吉亞(文?)、一套日文都唔怕！
咁知道冇劃位就早d去啦(明明之前睇亞洲電影節有劃嫁-,-)
點知！點知！點知！
一開場………頂你！乜料？冇字幕既？
你玩我咩大佬！！！！！！！！
其實聽英文真係唔太大問題，但問題係，講個個係齊澤克/_\
係youtube睇片我一定會打「齊澤克」而唔係打"Zizek"
(但我就應該唔會搵佢d片睇)
因為打齊澤克d片先會有subtitles.......sosad
佢英文真係重slovene accent 到喊………
一句十個字大約聽到三個 ;)
你話我點睇落去喇?
唯有當欣賞下D電影啦
啊，套戲叫得ideology梗係講意識形態啦
齊澤克搵左十幾廿套電影
cut中間d片出黎講下套戲入面所表達出唔同既意識形態
老老實實，由於我真係唔係幾聽得明，我笑都係笑套戲本身d橋段
而好少笑佢抽水
不過有一個gag我好記得，就係
「可樂成日話自己解渴，大家咪信囉走去飲，
你都傻既，其實愈飲愈頸渴！」
我笑，係因為我就係其中一個死蠢，最鐘意口渴買可樂
都曾經比人話過我死蠢哈哈哈哈
btw,套戲入面介紹左24套戲
真係估佢唔到，我竟然有睇過六套！wow！
