我的八婆朋友

Wrote by Post Comment

20-7-2012 (Sun)

是日禮拜日
唔返工，唔同屋企人飲茶，唔行街
去同八婆聚會

有時覺得我同呢幾條友既感情真係好微妙
以前返學同一班，我地日日癡埋一齊係班入面派膠搞事
(應該係)被眾人視為班入面最無心讀書、最on9、最搞搞震既人
然後大家CE之後各自融入左唔同既新環境，漸漸疏遠
雖然間中我同CA CODY都有見面，間唔中都有同lwl講野但同Kate就好少喇

唔知咩事，竟然係AL之後「鼓氣勇氣」又約K姐黎組一個「5D五小花(八婆)小聚」
又空前成功哈哈哈哈哈
我仲記得搞之前我唔知同CODY定CA講好驚尷尬LOL
就係咁，我地五個無聊的人又走在一起
「和好如初」呀！哈哈


今日都係識左Kate姐咁多年第一次造訪佢家
而CA K姐同lwl仲攜眷出席，而可憐的我、cody、fion就好孤獨喇
終於有幸見倒久仰大名既FULO哥 ，唉，原來係一隻gay既狗 :( 
仲發揮我熱愛小朋友既本色，幫手湊左佢姪仔！

其實無咩點影相，玩下card game吹下水打下邊爐又一晚
我真係幾開心嫁！(除左因為玩狗所以鼻敏感，流左一日鼻水)
好似foresee倒將來我地既生活
雖然大家忙，但都抽時間小聚一下
帶另一半出黎，盡情比自己係朋友面前抽水，發下威
而最重要，梗係講下賤野啦！「賤咀停不了」呀嘛
係大個左（可能）會有好大壓力，好多野煩既時候
有呢d完全做返以前自己既時候，真係幾開心


好可惜係係我地和好如初後不久，K姐就要去澳洲讀書……
希望你快快手考好個車牌，我努力儲錢
下年唔知可唔可以五個係地球另一邊合體呢！






成日得呢張大合照ja lol


Tags:

Share:

0 意見