Miscellaneous
11-06-2013
一年容易又sem尾
而sem break都過左差不多一個月
GPA都出埋
學業方面
一早有2科都知Grade，冇擔心過
畢竟唔洗用腦，唔洗寫淨係有口得考到既科我會少少信心，根據mid term成績唔會死得去邊
至於要寫個d……
我真心覺得自己d grammar差得可以sosad
個人又無慧根
又唔識分識d咩時事呀、國家大事
對語言學可以話係………完全不能理解
但好彩，都過得去
雖然唔係話好好但，鬆一口氣
本身我真係勁驚Ethics C+
因為出GPA第一日Ethics係未有grade
我就同meimei係度計，如果Ethics C+,我GPA將會唔過3
個下真係…………
頹到一個極點
唔過3喎大佬
之後又計B-呢?
如果B-左呢科，咁我d A都冇用啦，又拉低返
真係屌左出黎
結果放Ethics個日開心到尖叫哈哈哈~~~~~~~~~~~
大概我既sem B成績就簡單咁概括左
至於sem break後既生活
唔好天，就日日訓到點幾兩點，hea2個鐘就去返工囉
好頹廢
好天氣呢，就咩住個小背囊亂行香港
首先係想去西環泳棚睇日落
咁見上網d人話「搭電車係總站落，過條馬路，行十分鐘就到嫁喇」
咁我就搭電車啦，我心目中以為寫住「堅尼地城」就一定去到佢所講既地方
點知一落車，頂，海邊呢？馬路呢？
呢刻我諗起Google有個偉大發明叫Google map!上網睇d人話係外國都係靠佢搵路
我見咁可信(好似)，就enter左泳棚做destination,開左個nevigation跟住佢行……
一路行，唔知點解會上左山，右邊有一堆叢林，左邊係公路
但明明個nevigation係咁叫我行，咁我繼續行啦
呢個時候，唔少司機揸車經過都望一望我……
頂，突然去到一個荒山野嶺，天都黑黑地
個nevigation話我arrived喎! 頂，乜事？
我見有條樓梯,就諗住行落去,我諗應該會到既！
結果
乜。柒。都。無。
仲要好多蚊，好多草，無底深淵咁
唉，最後柒柒地，行返黎個條路走
其實行走個時，曾經見倒個外國人跑步，我個一刻又唔想放棄，諗住問佢路問佢where is the sai wan swimming shed?
點知佢問返我咩黎，係邊度
Shit
最後，除左出左一身汗之後，就乜都無做過
好喇，除左泳棚，我發覺大角咀碼頭都係一個睇景既好地方
所以小妹又係好天(即係好q曬)既一日出發去大角咀！
係轉車轉到嘔既情況下，終於去到
個日只可以用烈日當空黎形容
企左一陣已經出哂汗，濕哂，底褲都扭得水出個隻
如果係冬天的話，應該會好舒服既
(只可惜唔係，個日氣溫保守估計33度)
企左一陣，影左兩張相
由於比開始比蚊吸我d靚血，所以快快趣走人
之後開始搵d舊區舊街行
身為一個新界妹，油尖旺最多都係行太子旺角同尖沙咀
為左發掘其他地方，我就漫無目的咁行啦
大角咀呢區其實都幾多收廢紙呀、回收、車房呢類野
d人見我拎住相機(兩部-_-)行過，有少少當我異類/遊客
而我又真係好似一個遊客咁周圍望
行多兩行，發覺呢區都幾得意
周圍全部係d偽豪宅，中間就係一堆唐樓，入面可能有唔知幾多十間檔房
香港就係個咁奇怪既地方
sem break 亂行香港之旅只係去左兩度
相呢，一筒菲林未影哂，數碼個部都只係影左十零張……
因為小妹好快就要離開香港幾個禮拜
(拿,唔好捉我字室,無3不成幾,真係有幾嫁哈哈哈!)返黎如果搵唔倒工先去下其他地方啦!
我想去塔門啦南生圍啦長洲啦蒲台島啦
仲有,無所謂啦其實hahaha
自己一個周圍去,其實都幾開心呀!
唔係下下做咩都要人陪先有樂趣既
Tags:
雜
.gif){kind=spacer}
0 意見