Oxford - Hello Lewis Carroll!
23-6-2013
是日到Oxford去
London天氣真係好唔穩定
雖然幾好天,但當日溫度只係大約11度左右
去Oxford係跟tour去,所以你問我點去我答唔倒sorry haha
集合地點: The Old Vic
The Old Vic係Waterloo Station 附近一間theatre,1818年興建
睇黎就係做d藝術味比較濃既劇喇
晨早流流未訓醒,要玩下自娛下先,整醒自己先
又扮harry potter又扮50s貴婦,癡線
大約坐左個半至兩個鐘頭巴士,就黎到Oxford喇
但因為太凍太凍,落車一路都無影相
大約係凍到,全身係度不自覺地震咁凍啦
落車既位置好難形容,不過直行5mins過左條馬路就會見倒間Tesco
然而再轉過彎…………比我見倒…………
係Alice既官方紀念品售賣店呀!(好似係)
身為一個super fans,超級興奮!
入面既野以呢d遊客區黎講都唔太貴
買左兩樣野,皮既bookmark￡2,筆袋￡3.5
都reasonable既!
跟住漫無目的去附近行下
呢個地方又真係幾靚既
行經一間鋪頭,見倒入面賣好多唔同postcard,poster,同電影,design有關既書
見倒呢塊野,內心好澎湃!!
"Film Posters ￡9.99"
初頭我係心諗,咁多張mini posters加埋個框,120蚊都唔洗,抵到爛!
都唔諗屋企有冇位放,拎返香港難唔難喇
就行去cashier
點知………
oh, they're just sample
not for sale!
.
.
.
.
.
.
.
心情又即時跌落谷底
唯有繼續四處遊走
Oxford嘆息橋
好古怪既屋,硬係覺得會lum落黎
肚餓就梗係要醫肚
但因為又再一次冇做資料搜集,只好馬上google"oxford 餐廳"
見倒第一個blogger既網頁就click入去睇,就去左喇haha (好隨便)
The King Arms
(網上偷圖)
呢間粉紅色小屋係Oxford嘆息橋直行2分鐘就到嫁喇
行到入去見倒全部都係木枱木凳,好懷舊
仲有d木既bar枱,點唱機,木既bench (諗起小學)
個刻以為係保留左上一手家具,懶係古色古香
點知上網search下先知,呢間野已經400年歷史!
由1607年開始就一路係原址度做生意 :O
其中一間房既水晶燈,好靚
因為想食既野sold out,唯有再食FISH & CHIPS
已經食到想嘔………
雖然話"又食",但呢個真係幾好食 :P
佢呢度既mayonnaise唔知點解特別好食,吱完又吱,吱完又吱,4個人吱哂成支sosad
隻魚仲原條(好似)咁上,好juicy bomb
諗起都想再食!
承惠: ￡9.5
食飽飽,行完街就去Christ Church College入面參觀
呢度就係Harry Potter其中一個拍攝場地
一入去既走廊,是咪感覺好熟悉呢
Christ Church Cathedral
非常非常之咁靚
每隔一段時間仲會有Organ聽(求證唔倒係播定LIVE)
其實小妹就唔係教徒,但有時入到去教堂個人唔知點解會平靜D :0)
但就係因為唔係教徒,所以都睇左下D歷史就走,冇久留
Tom Tower
呢度知係邊度喇掛(好難影到冇人)
係幾靚既,但如果要比8pounds(正常價,學生6.5)就好似唔太值喇!
之後坐2個幾鐘車返London(嚴重塞車)
返到去又去行街
結果太遲返去,買唔倒野食(唔想又食pizza呀.....)
就食d港式野:p
特登係香港帶去嫁!
因為見識過英國有幾難食,好驚去到食屎
所以係香港拎左5個杯麵去!
又因為唔可以唔食菜就去買salad同apple juice
食完即刻覺得成個人fresh 哂haha
最後又送上一張超怪相比大家笑
我覺得自己對腳長得好恐怖hahahhaa
唔合比例得勁奇怪,諗起都好笑,點解會咁?
(打左超過一個禮拜先完成..好懶)
.gif){kind=spacer}
0 意見